在7岁报读小学时，答应收何辉的学校有两间，母亲让何辉自己选择。何辉二话没说，一下就选中圣类斯学校。母亲问何辉选择的理由，何辉简单而明了地说了一句：“这家学校有足球场。”就因为有一块很好的足球场，何辉在这间学校从小学一年级读到预科毕业。而除了上课外，午餐、小休，甚至就几分钟的时间，何辉都花在了足球场上。直到中六时，他每年都被选进香港学界代表队参加亚洲青年赛，何辉在香港球坛已经小有名气。有趣的是，当年香港教学司处居然发了一公函给圣类斯学校，说为了能让何辉更好地练球，希望学校特殊照顾何辉———可以“迟到三堂课、早退三堂课”。

何辉评述经典语录

1、法国对俄罗斯：丁伟杰：不过呢个波呢，入到就系英雄，入唔到呢就系狗熊。何辉：或者系猪红。

2、阿仙奴对飞燕诺：何辉：讲起飞机恐惧症，我拍档丁伟杰隔离嗰个我都有呢个问题！丁伟杰：但系番香港都要搭飞机个噃，搭船要好耐！何辉：要成五日呀，我问过啦！丁伟杰：如果冇咗拍挡档五日都唔知点算啰！（各位friend听唔听得出啲弦外之音啊？）

3、纽卡素对车路士：纽卡素门将阿基云双手迎接对方球员冼顿嘅射门时甩手，皮球从基云嘅大细门下流过——俗称“疴蛋”！何辉：一疴，黄金之蛋！

4、江忠德：哗！如来神掌呀！何辉：如来神掌第几式呀？江忠德：双龙双掌啩！何辉：如来神掌有双龙双掌嘎咩？？？？

5、江忠德：咦，碧咸顶白色帽又几靓噃！何辉：可能衬番对白Boot呢！？江忠德：好彩佢对Boot唔系绿色啫！何辉：咁都俾你谂倒啊！

6、碧咸第一次着上印有佢仔仔个名慨Boot比赛，当俾对方球员踩甩一只鞋时…… 何辉：如果对鞋改印上佢老婆个名，会唔会紧啲呢？系绑得紧啲呀。（-!-）

7、江忠德望一望何辉对鞋，然后对何辉讲：“你对鞋都几靓喎！又黄又绿，好彩你唔系做医生啫。” 何辉：即系咩吖？我唔系好明喎？！江忠德：又黄又绿喎！何辉听完仲系一头冒水。（何辉诈藕？！）

8、何辉：大家睇返呢个波啦，系朗尼庄臣上嚟梳靓个头入波嘎。（慢镜重播后……）何辉：睇清楚原来系朗尼庄臣上前嚟梳靓个头睇住对方后卫摆乌龙慨！

9、布力般流浪对保顿：何辉：下半场就背城借一，但而家就首先贝治（布力般后卫）送一先喔。（啲文采好到佢吖）

10、加拉塔沙雷对利物浦：（1）加拉塔沙雷有个后防球员叫维多利亚…… 江忠德：维多利亚呢个名真系又顺口又好听嘎啫。何辉：唔知碧咸对住佢会点呢？江忠德：我谂唔会嗒糖啩。

11、加拉塔沙雷对利物浦：（2）当何辉介绍加拉塔沙雷慨后备球员时，有一名球员名称译音叫舒谨…… 江忠德：个名咁搞笑慨，叫“输紧”喎！（哈！哈！哈！）何辉：又未输得晒喎！江忠德：但系输紧吖嘛！何辉：不过佢哋队中又冇个叫“输硬”喎。

12、曼联对农特：当巴夫斯跑到禁区外与对方球员争顶完波后，却发现皮球唔见咗…… 江忠德：巴夫斯又喺度搵波喇。何辉：望下上面高处又冇，又唔喺自己左右，原来喺后面。何辉：如果攞个波Dup落巴夫斯个头度，唔知佢搵唔搵到呢？江忠德：试下啰。何辉：我谂一定搵唔到啫。

13、李斯特城对曼联慨比赛：江忠德：睇完呢场波之后9点55分又有一场直播，大家可以抖下，饮澹茶先。9点55分再嚟睇。何辉：夜饮茶会瞓唔着个喎。江忠德：就系想瞓唔着，今晚大把波睇，唔驶瞓喇！（何辉好无奈，俾江忠德吹len涨。）

14、列斯联对查尔顿：何辉：马田一禄，查尔顿就金银满屋！（咔咔咔）

15、米度士堡对利物浦：何辉：恩斯再攞多两张黄牌慨话就要停赛喇。不过恩斯停赛都唔休冇嘢做，得闲可以去扮下Tiger Woods呀！

16、打吡郡对纽卡素：（1）江忠德：传个波出嚟，唉！佢完全唔知道，跑到过晒浓添，真系有早知就冇乞衣啰！~~~

17、打吡郡对纽卡素：（2）当纽卡素慨球员一脚将皮球射高并出晒界时…… 何辉：呢云真系抽高气爽啰！（抵死到佢吖）

18、打吡郡对纽卡素：（3）江忠德：拉云拿利咁都塌Q，有点儿老猫烧须喔。何辉：系老狐烧须。

19、韦斯咸对曼联：当比赛进行到下半场后半段，场上比分为2：4，韦斯咸落后两球,此时有部分球迷已经开始离场。突然……韦斯咸在右路中断曼联嘅传球，随即策动快速反击，3：4！丁伟杰：头先嗰班球迷，快啲叫佢番转头。可能佢哋听到啲声音，即刻跑番转头睇下发生咩事先。何辉：可能要赶住番屋企收衫呢. 丁伟杰：落咗咁耐，乜都湿晒啦。何辉：佢哋忍咗好耐嘎啦。

20、曼联对利物浦（01/02第一回合）：布朗同巴夫斯两人喺自家门前慨误会，两人撞埋一齐，俾奥云喺门前执鸡。何辉：“真系冤鬼呀！”~~~~

21、车路士对曼联：裁判判俾曼联界外球，苏拿有啲意见。何辉现场配音：苏拿喺度口噏噏咁话‘我？我？我？真系我？！冇掂过喔！’

22、车路士对曼联：丁伟杰：曼联赢波，车路士有个球员就觉得好无瘾，但费Sir就觉得好过瘾。讲紧慨就系保斯尼治。

23、利华古逊对曼聨：（1）托比慕拿行出后备席慨框框大声闹自己班球员，裁判走过嚟警告佢。何辉配音：你就唔可以出嚟，你要番入去。嗱，唔好走出呢个框框吖，如果唔系赶你出场咖！丁伟杰：你有你讲，佢有佢闹。仲喺度继续闹紧喔。

24、利华古逊对曼聨：（2）临完场时曼聨全队压上，科兰一个远射俾利华古逊一名球员护空门救出。何辉：睇下边个咁犀利喇，佢真系一世仔啦！35号慨球员帕拉辛迪呀！

25、巴斯隆拿对加拉塔沙雷：江忠德：阵中有位球员个名叫“尼古力斯古”，咁如果读快啲呢？黄兴桂：变咗做“呖咕呖咕”。（其实Peter都几搞嘎）

21、阿仙奴对叶士域治：（1）何辉：驶唔驶俾牌呢？江忠德：睇嚟好似唔驶噃。如果要俾何辉你俾啰！何辉：冇牌喎？！江忠德：成件黄衫喺你身上面喎！

22、阿仙奴对叶士域治：（2）江忠德：睇唔睇到吖？两只手趾？……定一只手趾？……定五只手趾吖？…… 何辉：梗系五只啦！

23、欧聨决赛（皇家马德里对利华古逊）：（1）突然有一名苏格兰球迷着着一件由皇马主客场队服剪成慨黑白相间慨球衣，下面着着一条苏格兰裙，头顶戴着一顶帽，冲咗落场。一名警察立即走过去拉佢出场，但该名球迷唔愿走，双方你拉我扯。然后罗拔图卡路斯亦走埋去扯住个警察件衫。何辉：卡路斯话，唔好咁激动，斯文啲斯文啲！丁伟杰：我嚟睇波咋，我中立架。

24、欧聨决赛（皇家马德里对利华古逊）：（2）一名球迷光着上身走落球场…… 丁伟杰：上身就裸，唔知下身又点呢？

26、零二年韩日世界杯（西班牙对韩国）：（1）何辉：（文迪达）以前喺华伦西亚嗰阵就打晒慨，去到拉素之后就坐晒。

27、零二年韩日世界杯（西班牙对韩国）：（2）何辉：（安贞焕）十二码射唔入，廿二码射唔入，三十二码又唔入。唔通要两码先入？

28、零二年韩日世界杯（西班牙对韩国）：（3）何辉：祖基其实喺皇家贝迪斯都系咁慨现象，你唔好俾佢踢得顺，佢一踢得顺，呢个球员系点禁都禁佢唔住……你话顺唔顺吖？咁样过法喎，我唔系好顺啦而家，真系！

29、零二年韩日世界杯（西班牙对韩国）：（4）何辉：球证有啲帮帮地西班牙喎。陈维聪：佢好中意睇西班牙聨赛嘎。何辉：我都锺意睇，但个波韩国个喎。

30、零二年韩日世界杯（西班牙对韩国）：（5）何辉：当然要睇下希丁克点搞喇，我打唔到电话俾佢。曾志伟：冇佢电话吖？何辉：冇吖！哈！哈！哈！

31、阿仙奴对伯名翰：（1）何辉：韦臣（伯名翰嘅门将）总算好嘢。啖定，有钱剩！

32、阿仙奴对伯名翰：（2）何辉：可能件衫靓吖，斯文死都唔落地，系咁用只手富下富下。

33、阿仙奴对伯名翰：（3）何辉：佢真系好鬼抵死嘎啫，系咁眼利利咁利住球证。唔好阻鬼住晒我Cup波先得嘎！

34、阿仙奴对伯名翰：（4）何辉：告鲁斯（伯名翰嘅教练）又企咗出嚟喇。睇真啲告鲁斯又几似克林顿喎。

35、阿士东维拉对利物浦：江忠德：又系梅菲，又食波饼喇！食波饼食到饱啦，阵间唔驶食饭啦。黄兴桂：应该系等阵间唔驶去买疍糕啦！

36、曼联对西布朗：（1）江忠德：新闻多多慨坚尼，勉强出，当然系冇幸福啦！

37、曼联对西布朗：（2）何辉：今届球队（曼聨）又新啦，波衫又新啦，甚至乎碧咸个发型都新，睇下有冇新戏象喇。

38、曼联对西布朗：（3）江忠德：有越位喎！何辉：有冇呢？你转做球证，你睇下有冇喇！江忠德：我就话有喇！何辉：你话有就有啦！其实个波斩出嚟慨时候冇越位个噃。

39、曼联对西布朗：（4）何辉：冇着西装个喎！江忠德：得唔得呢？何辉：得！梗系得啦！

40、曼联对西布朗：（5）何辉：科拿入过波未呢？江忠德：听讲喺友谊赛上入咗5粒喎！算唔算呢？何辉：应该唔算个喎。友谊赛唔系正式比赛喎。江忠德：都算慨，友谊赛，都系赛嚟嘎嘛！何辉：唔得啫！因为呢啲比赛唔隶属于任何慨总会喎！

41、曼联对西布朗：（6）江忠德：你估下要换边个呢？（1分钟过后……）江忠德：开估啦！开估啦！何辉：会唔会系毕特呢？江忠德：错！！原来系华朗！何辉：好吖好吖！换得好吖！

42、曼联对西布朗：（7）当曼聨1：0领先时，曼聨慨球员在不思进取。何辉：有好多数十万百万亿万慨球迷想曼聨再入多粒波个喎！江忠德：你系唔系呢？何辉：我冇讲过喎！你估有冇人想西布朗入番粒波呢？江忠德：有咁慨本事都冇所谓慨。

43、车路士对曼联：全场补时阶段，Fowlan凖备上场。丁伟杰：亚费sir话：仲有分几钟慨时间，变下法术俾我睇！

44、西布朗对列斯联：（1）何辉：（修咸顿慨教练）呢个动作都几核突嘎！嗌嗰阵就“lue”旧香口胶出嚟，嗌完又塞番入去。江忠德：有唔妥咩？何辉：见人见志啦

45、西布朗对列斯联：（2）何辉：虽然俾韦斯咸攞番1分啦，但好多球迷都好激气嘎！江忠德：你激唔激气吖？何辉：小小啦。

46、西布朗对列斯联：（3）前邉唔记得讲咗乜…… 江忠德：要抛售球员喎！何辉：抛去边吖？抛落海呀？

47、伯名翰对列斯联：（1）丁伟杰：由于佢晕晕地，球证唔需要佢行出场外。何辉：佢行得个喎，点解要留喺度呢，佢又唔系龙门。

48、伯名翰对列斯联：（2）丁伟杰：入咗波之后睇下有冇下文喇。何辉：当然唔系讲紧利物浦嗰个夏文啦。

49、伯名翰对列斯联：（3）何辉：克林顿又走出嚟做咩呢？丁伟杰：其实何辉你讲紧伯名翰慨领队告鲁斯。

50、伯名翰对列斯联：（4）夏迪企喺角球点前凖备开角球，用手摆好个球时…… 何辉：嗱~~摆靓啲先，靓啲添。够靓喇~~

51、伯名翰对列斯联：（5）丁伟杰：嗱~~你信唔信吖？又有观众话你两个讲波佬好衰，由头弹到落尾，不过真系有嗰句讲嗰句啰。

52、伯名翰对列斯联：（6）丁伟杰：保耶有冇犯规呀？何辉：有吖。DUN行个马，系咁撞埋去。（保耶撞埋去，何辉好肉紧咁讲）死啦你！！

53、伯名翰对列斯联：（7）丁伟杰：告鲁斯带领伯名翰赢得英超第一场比赛。何辉：仲要赢强队喎！丁伟杰：但列斯上一场输过俾辛德兰喎。何辉：哎呀~~咁就冇咁兴香。

54、辛德兰对曼联：麦卡迪亚侵犯坚尼，因而惹起二人纠纷……麦卡迪亚向坚尼做出一个写字慨手势，讽刺坚尼慨自传内慨内容。丁伟杰：麦卡迪亚话“写我啦！写我啦！写书写我啦！”

55、保顿对维拉：（1）何辉：只吉祥物话唔系嗰度呀！请你行番后啲先DUM。只吉祥物当然系保顿嘎啦。

56、保顿对维拉：（2）丁伟杰：如果要怪维拉放走咗舒米高呢，都可以理解慨。其实呢个安格文都唔错慨。（正当赞紧呢位门将时，即刻将龙门球踢咗出横邉界外）何辉：哎呀~~！丁伟杰：一巴声落嚟，虽然冇乜交情，都唔驶咁吖，赞完就将个波踢咗出界。

57、保顿对维拉：（3）何辉：哗！好得人惊呀！查尔顿条裤都烂埋，要害位置喎！

58、保顿对维拉：（4）丁伟杰：一级方程式咪有入bit入几耐慨。唔知第日有冇计时聨针聨几耐呢？何辉：可能会耐啲喎。仲要计埋喺场外定场内聨。

59、列斯联对曼联：（1）何辉：令米斯好似元宝咁跌咗落地。

60、列斯联对曼联：（2）丁伟杰：夏迪同苏斯赫查扼番手想走。球证话你咪走住，我有张牛肉干送俾你食慨。一人一张。

61、车路士对纽卡素：何辉：迪西李好似鬼咁，一有对车路士不利慨吹罚就冤鬼住个球证。

62、热刺对韦斯咸：（1）江忠德：佢会唔会就住怕祖高尔受伤呢！会唔会怕祖高尔破相，冇咁靓仔呢？~~因为上一场缝咗三针吖！~~ 何辉：会唔会唔靓仔入唔到国家队嘎？ 江忠德：要问下艾力臣先知啦！

63、热刺对韦斯咸：（2）江忠德：直情好似孭重飞咁啦！ 何辉：咩叫做“孭重飞”吖？ 江忠德：即系孭重担啰！

64、热刺对韦斯咸：（3）江忠德：热刺个老细谂攞出两亿出嚟，开办足球学校，股票又上市。总之嚟紧热刺大把好嘢啦！ 何辉：以前发行过一次嘎嘛？ 江忠德：再嚟多次呀！钱唔怕多嘎嘛？ 何辉：但系啲股价唔系好高咋嘛。

65、热刺对韦斯咸：（4）江忠德：近镜望落去膝头哥附近有个窿，都几核突下嘎！ 何辉：球员身上面都有好多巴痕嘎嘛！ 江忠德：呢啲系战绩嚟嘎嘛，系咪吖？

66、热刺对韦斯咸：（5）何辉：喺现代足球，禁区入面经常有互打吖，互揽吖，冇互钖慨！~~

67、列斯联对阿仙奴：（1）丁伟杰：又见到云拿保斯喇。 何 辉：其实佢唱歌都几叻嘎。佢唱过一首歌，喺伦敦街头，好多人陪住佢一齐唱，都几正嘎！ 丁伟杰：怕且而家都唔唱得出啦啩。 何 辉：而家系阿仙奴啲球迷唱紧歌。

68、列斯联对阿仙奴：（2）何辉：身份证都唔驶“样”，想点过就点过。

69、列斯联对阿仙奴：（3）丁伟杰：云拿保斯都有去睇阿仙奴对PSV嗰场波嘎，练完波坐飞机去荷兰，睇完波又飞番去同班波训练，领队嚟讲佢经已做到足嘎啦。 何辉：啲航空公司多得晒你喇！

70、列斯联对阿仙奴：（4）丁伟杰：阿仙奴里面有好多好年轻慨球员。 何辉：睇下有冇啲连身份证都未攞慨先~~ 丁伟杰：82年，83年，85年…… 何辉：85年就真系未攞身份证喇！ 丁伟杰：儿童身份证啰！

71、列斯联对阿仙奴：（5）丁伟杰：简奴射到4比1！ 何辉：大家埋嚟啦，开Party啦！

72、利华古逊对曼联：江忠德：映梗月亮喎！ 何辉：中秋过咗啰喎~~ 江忠德：有啲黄黄地咁慨！（指月亮） 何辉：你话梗佢块面啊？（指托比慕拿） 江忠德：唔系！系黑黑哋！

73、罗马对皇家马德里：卡福俾皇家马德里几名球员耍得团团转。何辉：卡福话，喂！好啰喎！~~唔好玩得咁过份喎！假假地我都啱啱捧完世界杯呀！

74、皇家贝迪斯对巴斯隆拿：（1）江忠德：阿××对住祖昆里都未必拍得住吖！何辉：拍得住咁慢吖？

75、皇家贝迪斯对巴斯隆拿：（2）何辉：江湖救急都要有松动先得嘎！

76、查尔顿对曼联：（1）江忠德：人工最高嗰个唔一定稳定个噃。 何辉：咦？！咁对面嗰个7号咪好危险？（讲紧碧咸）

77、查尔顿对曼联：（2）何辉：好似打高尔夫球咁。 江忠德：呢排热潮嚟嘎嘛！韦达杯喎。好多人睇完足球就睇高尔夫球，睇完高尔夫球又睇足球。

78、查尔顿对曼联：（3）江忠德：科兰！~~恨喺聨赛第一个入波恨到流晒口水咁滞嘎啦！ 何辉：就嚟要带番条口水坚上场打波咁滞嘎啦！

79、查尔顿对曼联：（4）何辉：曼聨仲系上科兰喎…… 江忠德：硬系用个“仲”字个喎。“仲系……”“仲系……”不过都好啦。唔系话对方又打多个防守球员，嗰阵时仲闭！

80、查尔顿对曼联：（5）江忠德：现场啲气氛好激喎！~~好得意喎！~~ 何辉：好正喎！啲舞步。费SIR出去跳番part就好喇。

81、查尔顿对曼联：（6）江忠德：（科兰）今场波有冇射过门吖？ 何辉：好似就冇喇。 江忠德：咁就惨情啲。作为一个前锋嚟讲，打咗五十几分钟都冇射过门。

82、查尔顿对曼联：（7）何辉：点都冇以前双煞咁有默契。 江忠德：要睇佢哋咪睇布力般啰！ 何辉：伤咗喎！~~ 江忠德：咁仲杀唔杀到人呢？ 何辉：杀双煞啰！系双煞伤！

83、查尔顿对曼联：（8）江忠德：阵间12点几仲有场英超。阵间3点半嗰场仲犀利。大家唔好瞓住吖！抖一抖，食个包再嚟个。何辉：驶唔驶刷牙先呢？ 江忠德：唔驶刷住。睇完波5点几食埋个早啲慨早餐再刷牙瞓觉都未迟。何 辉：你不宜睇埋听晚嗰场先刷！ 江忠德：咁又唔得，口臭嘎！！

84、祖云达斯对纽卡素：（1）何辉：迪比亚路好似跳水咁跳起。

85、祖云达斯对纽卡素：（2）何辉：纽卡素睇嚟都凶多吉少嘎啦！ 江忠德：都唔系咁慨，或者有奇迹出现呢。睇下后面剩番嗰三场比赛点啦。 何辉：我仲以为你话有奇迹出现系讲跟住落嚟嗰几分钟添！

86、祖云达斯对纽卡素：（3）何辉：大家而家听到慨歌声同平时喺英超上听到慨歌声好唔同，当然来自祖云达斯慨球迷啦。 江忠德：听唔听得出唱咩文呀？ 何辉：咁就留番你听下喇！ 江忠德：歌声系美妙慨，来自祖云达斯慨球迷。

87、拜仁慕尼黑对AC米兰：何辉：裁判同罗拔高华做咗一个好正确慨动作。“喂，你要个波先得嘎！你咁样更硬更开个人，更开咗雷哥斯达唔得个喎！” 江忠德：你讲咗成10秒咁滞啰喎，人哋好似冇讲咁长个喎！

88、纽卡素对西布朗：黄兴桂：10个黄绿衫慨球员番晒去后场。 江忠德：今场唔系黄绿医生喇，系黄绿球员！

89、修咸顿对曼城：丁伟杰：喂~~你嗰阵做前锋呢，最佳纪录入几多球呢？何 辉：我好少咋喎~~一球起两球止咋喎~~

90、修咸顿对富咸：（1）江忠德：真系要开番个论坛等你同啲球证讨论下呢个问题啦。 何辉：我惊佢哋唔锺意讨论喎。

9、修咸顿对富咸：（2）何辉：而家太阳收咗，风又大咗。 江忠德：你话收太阳，太阳公公话唔收吖！出番嚟俾你睇下！ 何辉：即系我意思系话西斜多咗。

91、修咸顿对富咸：（3）江忠德：好似你话斋，高马，你在哪里呢？ 何辉：个人就够高喇，但都唔知顶乜慨！ 江忠德：高马吖嘛。可能顶马，唔系顶人嘎！

92、修咸顿对富咸：（4）江忠德：都话咗覆线嘎啦，就系俾我讲中咗喎！ 何辉：中覆吖！

93、修咸顿对富咸：（5）江忠德：人哋主场吖嘛，客气啲嘛！ 何辉：离远啲，系咪吖？

94、修咸顿对富咸：（6）江忠德：佢哋（富咸）唔掂就会开会，好似周中输波之后又开会。 何辉：唔知啲会去边度开慨呢？唔通喺酒店开？ 江忠德：酒店？！不过而家时世唔好喎，富咸仲凖备起新球场添，要节省开支吖！可能就喺更衣室开咋！

95、拉科鲁尼亚对拜仁慕尼黑：（1）江忠德：（拜仁慕尼黑）好似发穷恶咁吖，抢钱咁抢。“冇钱吖！俾唔俾呀？”

96、拉科鲁尼亚对拜仁慕尼黑：（2）江忠德：雨势好似几密下喎。何辉：真系屋漏偏逢连夜雨喇……拜仁慕尼黑！江忠德：人哋屋企嚟个喎。何辉：都系漏喎。

97、拉科鲁尼亚对拜仁慕尼黑：（3）何辉：（拜仁）又未死得晒喎！江忠德：剩番半条命，睇下喺剩番十几分钟拾唔拾得番条命番嚟。

98、拉科鲁尼亚对拜仁慕尼黑：（4）江忠德：呢下将拜送上死刑台喇！何辉：死咗啦，砍埋头添啦！

99、热刺对车路士：（1）何辉：隔住条楚河呀！右边车路士，左边热刺。

100、热刺对车路士：（2）江忠德：睇下你所讲慨基拔图斯华可唔可以帮队波扭转虐势呀！何辉：最紧要唔好帮对方摆乌龙就得喇！

101、热刺对车路士：（3）何辉：大眼仔晓仕。而家只眼好似冇咁大咁慨？江忠德：点解呢？何辉：唔知呢！

102、拉科鲁尼亚对皇马马德里：何辉：文拿比斯代替费高打右中场。离远睇又几似费高喎！丁伟杰：应该系费高同卡兰卡慨溷合体。

103、曼聨对修咸顿：丁伟杰：自己嘅人踩番落自己整嘅陷阱度。何辉：讲咗好多次，奥脱福呢个球场慨场边都有条夯。不过曼聨啲球员都已经习惯晒嘎啦。底线都仲好吖，起码有啲广告牌挡住下，球员好似玩SIR滑梯咁。旁边两边有条石屎夯渠，线落去都几伤嘎！丁伟杰：真系好似“飞哥跌落夯渠”喇！

104、曼城对曼聨：（1）丁伟杰：哗！呢个葛达真系犀利喇！喺百慕达又系国脚，仲有间足球学校添。而家喺曼聨慨后防又攻入两波，啲小朋友仲唔即刻去攞学入纸！何辉：咁就唔系叫葛达啦，叫发达啦！

105、曼城对曼聨：（2）丁伟杰：大家都知道我慨拍档讲波如锺意着两队是但一件慨球衣。我唔讲住，大家估下佢今晚又着邉件球衣？你今季到而家“草”咗几多件吖？何辉：讲埋呢个攻势先。

106、曼城对曼聨：（3）全场结束后…… 何辉：而家可以话俾大家知啦。其实我系着住曼城件衫，仲有孙继海签名添噶！

107、阿积士对国际米兰：（1）何辉：高高其实喺意大利都好多绯闻，呢个同佢咁型仔有关慨。 …… 江忠德：你讲慨靓仔高高吖！

108、阿积士对国际米兰：（2）何辉：利物浦落后紧巴素利0比2，巴素里慨两个前锋各入109、阿积士对国际米兰：一球。闭家伙个“闭”！

110、阿积士对国际米兰：（3）江忠德：睇嚟利物浦唔止冻过水呀，直情冻过冰水添吖！

111、阿积士对国际米兰：（4）江忠德：呢度突然之间拜神咁吖，马特拉斯望一望先。痛唔痛吖？好痛吖？何辉：好似撞咗邪咁吖！

112、阿仙奴对热刺：（1）江忠德：呢个沙宾，你话佢系瑞典又得，埃及又得，芬兰又得，总之就你想点叫都得！何辉：咁佢有几本护照呀？江忠德：咁就真系问佢先知啦！

113、阿仙奴对热刺：（2）江忠德：哗！科达好劳气喎。大叫：加油！坚持！硬净啲~~~~~ 何辉：如果加件德国军装就啱晒喇。

114、阿仙奴对热刺：（3）何辉：讲起晕，我谂起一个笑话。我有一次去外地睇波，唔系喺香港喎。有一个球员踢到晕低咗，后尾完场嗰阵竟然问我哋攞钱打的番屋企，仲要系港纸喎！后尾我哋先知佢短暂失忆。江忠德：咁唔知佢（柏金）记唔记得点番屋企，问人借钱呢？何辉：即使系都好简单啫，英镑就得啦！

115、阿仙奴对热刺：（4）江忠德：最近亨利都有NEWS。喺周中对住PSV嗰场比赛时，有人就话见到PSV慨云邦美向亨利吐痰喎。关于种族歧视呢啲嘢，欧足聨经已话详细调查。如果查到真系慨话，都要面临停赛呀。何辉：希望佢真系“垃圾虫”咁随地吐痰啦。其实都好难讲慨，要睇下系咪真系尃登慨。拎歪面就吐，唔觉意吐咗落人哋个身度。我都试过架，后尾同人讲番“say sorry”啰。

116、阿仙奴对热刺：（5）热刺落后到三球，镜头见到一个热刺慨小球迷冇晒精神，眼湿湿。江忠德：你睇下个小球迷几伤心。何辉：定系眼瞓咋啩？

117、利物浦对辛德兰：（1）江忠德：近镜……见到梅菲慨靓仔样左边面花咗喎！何辉：仲有型啦！江忠德：花面煞星吖？何辉：睇下杀唔杀到辛德兰喇。

118、利物浦对辛德兰：（2）江忠德：比祖龙话：“我犯规？！你俾牌我？！” 何辉：我都撞亲个头喎！

119、利物浦对辛德兰：（3）江忠德：捱下捱下差唔多又过44分钟时间啰喎。何辉：又到终点啰喎。江忠德：上半场啫。

120、热刺对列斯联：（1）江忠德：呢件衫（热刺件波衫）都几舒服嘎，着起上嚟，系咪吖，何辉？何辉：点解问我呢？江忠德：呢件衫同你嗰件都几似样嘎。你话系咪吖？我就话系喇！舒服嘛？何辉：睇埋列斯呢个攻势先。

121、热刺对列斯联：（2）江忠德：罗比坚尼特别落力呀，对住自己慨旧东家。何辉：不过而家对住西家。江忠德：西家系小东家。入到波就系好家。

122、热刺对列斯联：（3）江忠德：虽然件衫（热刺嗰件）质地好啫，都唔驶扯得咁大力嘎！何辉：呢件衫的确可以横扯掂扯都得，最大可以掹到50厘米，不过发现都有一个弱点，就系条领系唔掹得嘎！

123、热刺对列斯联：（4）何辉：列斯啲球员好似吊吊下盐水咁。而家就干脆好似掹咗支针咁，唔吊啦！死咗算啦！！