平水尺系用来度睇下一个面系咪水平或垂直，即系用来度平水。呢种尺系响好多做工程嘅人都要用到，例如斗木佬，泥水佬，测量员等等。

平水尺最主要系两条装住有色酒精嘅细玻璃管，一条度水平，一条度垂直。两条管一横一直镶响一条长方体嘅尺上面。酒精管中间个肚微微凸出，个肚两边有划咗两平行条线，裏面有一个汽泡。要度嗰阵，将尺贴实个面上面。两条管其中一个泡就会移向中间，如果个泡系啱啱好响两条线中间，咁个面就系水平或垂直。一条准嘅平水尺，可以将角度误差细到5秒。

平水尺因为系用乙醇酒精，所以就算天气好冻都唔怕，因为佢个冰点系−114 °C。