Cherry日前到男拔萃书院拍摄MV，并邀请到无线小生黄宗泽担任男主角，虽然导演没有安排两人有亲密场面，只是要求两人拖手及互望，但已令Cherry面红红兼尴尬，由于两人素未谋面，拍摄前已经不断倾偈热身，但当埋位正式Roll机时，Cherry多次忍不住傻笑，令身边的黄宗泽都受感染大笑，最后NG十多次导演才肯收货，Cherry说：“真系好紧张，唔识畀表情，拖手都仲可以，但当要互望时真系忍唔到笑。（好尴尬？）咁又未至于尴尬，有少少怕丑。（有冇畀佢电眼电晕？）佢只眼都几劲架。”问到Cherry是否首次见黄宗泽？她说：“系电视就成日见佢，真人同合作都系第一次。”Cherry感谢对方帮助，说：“知道佢前一晚拍剧拍通宵，休息四小时就要开工，一拍又要拍十几个钟，真系辛苦晒佢喇。”